♥ஏகாந்தத்தில் தொலைந்து!!

உரக்க நிசப்தத்தில் உலகம்
உனக்கானது ஒரு மிடறில் விழுங்கல்

துவராடையில் துருத்தி நிற்கும்
தனைமறந்த தான்

உதிர் இலை சருகுக்கும்
இடம்பெயர் காற்றுக்குமான
இரகசிய ஒப்பந்தம்

அரும்பு மொட்டாகி
முகை முகிழ்ந்து
மலர் மகிழ்ந்து
அலர் முகிந்து
வீ தொட்டு
செம்மல் இடுங்கால்

ஏகாந்தத்தில் தொலைந்து
இமைபொழுதும் திரும்புதல் வேண்டாத

**பூவின் வாழ்வுநிலையில்
——————————————–
1.வீ -வாடும்நிலை
2.செம்மல் -இறுதிநிலை